Чойбалсан, Дорнод
БоловсролЭрүүл мэндЭкологиИргэдСумдХууль эрх зүйХэрэгцээтОюутны мэдээБүтээн байгуулалтХөрш аймгууд
 
 

ГУДАМЖНЫ ХАНЫН /STREET ART/ ЗУРГИЙН ЭХ ЗАГВАР ШАЛГАРУУЛАХ ЦАХИМ УРАЛДААНЫ УДИРДАМЖ

2020-03-17 10:17

 

УРАЛДААНЫ ЗОРИЛГО:
• Байгаль орчноо танин мэдэх, хайрлан хамгаалах, зүй зохистой ашиглах, хариуцлагатай байх үзлийг ухуулах, сурталчилах
• Чойбалсан хотын өнгө үзэмж нэмэгдүүлэх
• Хүүхэд, залуучуудын бүтээлч сэтгэлгээг хөгжүүлэх, чөлөөт цагийг зөв боловсон, үр бүтээлтэй өнгөрүүлэх

ХАМРАХ ХҮРЭЭ:
• Дорнод аймгийн хэмжээнд
БҮТЭЭЛИЙН АГУУЛГА:
• Байгаль орчин, эх дэлхийгээ хайрлан хамгаалах утга агуулгатай
• Байгаль орчны салбарын тэмдэглэлт өдрүүд /Дэлхийн усны өдөр, Ойн өдөр, Уур амьсгалын өөрчлөлт, Эх дэлхийн цаг, Биологийн төрөл зүйлийг хамгаалах өдөр гэх мэт/-ийг сурталчилсан байх.
• Дэлхийн дулаарал, уур амьсгалын өөрчлөлт, усны хомсдол, байгалийн гамшиг, ан амьтны төрөл зүйл, тоо толгойн хорогдол, хог хаягдал хүнээс хамааралтай хэрхэн өөрчлөгдөж буйг харуулсан байх.
• Дорнод аймгийн байгаль, ан амьтан, онцлог шинжийг харуулсан байх.
Дээрх агуулгуудыг бүгдийг нь эсвэл заримыг харуулсан, чөлөөтэй зохиомжилж зурсан байна.
БҮТЭЭЛД ТАВИГДАХ ШААРДЛАГА:
• Шалгарсан бүтээлийг 70м урт 2м өндөртэй хананд хуулбарлан зурах тул бүтээлийн харьцаа 70х2 байна.
• Бүтээл нь өгөгдсөн хэмжээсийг бүтэн дүүргэсэн байх ба хэд хэдэн сэдвүүдээр хэсэгчлэн хувааж зурсан байж болно.
• Бүтээл нь гудамжны урлаг /street art/ -ийн шинж чанартай байна.
• Бүтээл нь хол ойр зайнаас харахад харьцаа алдагдахгүй, зураглал тод харагдацтай байх.
• Бүтээл нь олон нийтэд зориулсан бөгөөд элдэв далд утга санаа агуулаагүй, өнгөлөг тод байна.
• Бусдын бүтээлийг хуулбарласан, зохиогчийн эрхээр хамгаалагдсан зургийн элементийг агуулсан байж болохгүй
• Adobe Photoshop, Illustrator, CorelDraw зэрэг мэргэжлийн программууд ашиглан зурсан өргөтгөлтэй ирүүлж болно.
• Дээрх програмуудаас өөр програмаар зурсан эсвэл гараар зурсан бол цахим зураг /скайнардах, хөрвүүлэх, фокус алдагдуулалгүйгээр зургийн аппаратаар авах зэргээр .../ болгож ирүүлнэ. Зураг нь өндөр нягтралтай (dpi 300-аас доошгүй) jpg, jpeg, png, gif өргөтгөлтэй байна.
• Бүтээлээ и-мэйл-ээр илгээх тохиолдолд бага нягтралтайгаар илгээж болно. Тухайн бүтээл шалгарсан тохиолдолд өндөр нягтралтай хувилбарыг авна.
• Уралдаанд ирүүлсэн бүтээлийг буцааж олгохгүй бөгөөд шалгарсан бүтээл нь Дорнод аймгийн БОАЖГазрын өмч болно.

ХҮЛЭЭН АВАХ БАЙРШИЛ, ДҮГНЭХ ХУГАЦАА:
Уралдаанд ирүүлэх бүтээлийг 2020 оны 03 дугаар сарын 25 ны өдрийн 17 цаг хүртэл Дорнод аймгийн БОАЖГазрын байранд эсвэл dornodbog@gmail.com хаягаар хүлээн авна. Бүтээлүүдийг 2020 оны 03 дугаар сарын 26-ны өдөр комисс дүгнэж, шалгарсан бүтээлүүдийг зарлана.
ШАГНАЛЫН САН:
Тэргүүн байр Дурсамж, 400 000 төгрөг
Дэд байр Дурсамж, 200 000 төгрөг

ХЭРЭГЖҮҮЛЭГЧ БАЙГУУЛЛГА:
Дорнод аймгийн Байгаль орчин, аялал жуулчлалын газар

ХАМТРАН ЗОХИОН БАЙГУУЛАГЧ БАЙГУУЛЛАГА:
УТХГ-ын Дорнод хамгаалалтын захиргаа, Буйр нуур, мэнэнгийн талын сав газрын захиргаа, Хэрлэн голын сав газрын захиргаа

ХОЛБОО БАРИХ:
Дорнод аймгийн Байгаль орчин, аялал жуулчлалын газар /Хэрлэн сумын 6-р баг Уурхайчдын хотхоны дунд байрлах төрийн захиргааны байрны 2 давхар/-т
1. Байгаль орчин, аялал жуулчлалын газрын мэргэжилтэн Т.Уянгоо 86860959
2. Байгаль орчин, аялал жуулчлалын газрын мэргэжилтэн Ц.Нансалмаа 99248696
3. УТХГ-ын Дорнод хамгаалалтын захиргааны мэргэжилтэн М.Уртнасан 80931232



Сэтгэгдэлүүд
АНХААРУУЛГА:Уншигчдын бичсэн сэтгэгдэлд манай сайт хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Утас: 88143066, 96556965

Нэр:  
Сэтгэгдэл:  
 
Шинэ мэдээ
Их уншигдсан
Facebook page
 
 
Урлаг Спорт
Хөдөлмөр, халамжийн үйлчилгээний газар