Чойбалсан, Дорнод
ИТХЗДТГТөлөөлөлТөрийн мэдээНамуудУлстөрч
 
 

“ЦАХИМ ОРЧИН ДАХЬ ЗӨВ ХЭРЭГЛЭЭ” аяныг эхлүүлж байна

2019-10-09 17:39

Хүүхэд, залуусыг цахим орчин дахь гэмт хэрэг, зөрчил, эрсдэлт хүчин зүйлсээс урьдчилан сэргийлэх, хамгаалах, нийгмийн сүлжээний зүй зохистой хэрэглээг бий болгох зорилгоор аймгийн иргэдийн Төлөөлөгчдийн Хурал, Гэмт хэргээс урьдчилан сэргийлэх ажлыг зохицуулах салбар зөвлөлөөс “ЦАХИМ ОРЧИН ДАХЬ ЗӨВ ХЭРЭГЛЭЭ” аяныг эхлүүлж байна. Манай Улсад нийгмийн сүлжээний идэвхтэй хэрэглэгчид 2017 онд 1.7 сая, 2018 онд 2.1 сая байсан бол 2019 оны хагас жилийн байдлаар ойролцоогоор 2.2 саяд хүрсэн нь сүүлийн 3 жилд дунджаар 17.5 хувиар өссөн байна. Нийгмийн сүлжээний нийт хэрэглэгчдийн 51.7 хувь нь 20 хүртэлх насны хүүхэд залуус байгаа бөгөөд тэдний 92 хувь нь зөвхөн Фэйсбүүкийн хэрэглэгчид байна. Хүүхэд, залуучуудын интернэт хэрэглээ маш өндөр байгаагийн цаана тэд цахим орчинд зохисгүй контент үзэх, дэлгэцийн хамааралтай болох, сэтгэл зүйн болон бэлгийн шинжтэй дарамт, хүчирхийлэл, мөлжлөгийн хохирогч болох зэрэг эрсдэлтэй нүүр тулж байна. “#ЦАХИМ ОРЧИН ДАХЬ ЗӨВ ХЭРЭГЛЭЭ” аяны хүрээнд анхааруулсан сэрэмжлүүлсэн, мэдээлэн таниулсан, мэдлэг чадвар олгосон төрөл бүрийн контент, мэдээлэл сурталчилгаануудыг хэвлэл мэдээллийн хэрэгслүүд болон сошиал орчноор дамжуулан олон нийтэд хүргэхээс гадна ДИС, Политехникийн коллеж, МСҮТ-ийн оюутнуудад сургалт хийж, хэлэлцүүлэг зохион байгуулан ажиллана.


Сэтгэгдэлүүд
АНХААРУУЛГА:Уншигчдын бичсэн сэтгэгдэлд манай сайт хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Утас: 88143066, 96556965

Нэр:  
Сэтгэгдэл:  
 
Шинэ мэдээ
Их уншигдсан
Facebook page
 
 
Урлаг Спорт
Хөдөлмөр, халамжийн үйлчилгээний газар