Чойбалсан, Дорнод
БоловсролЭрүүл мэндЭкологиИргэдСумдХууль эрх зүйХэрэгцээтОюутны мэдээБүтээн байгуулалтХөрш аймгууд
 
 

МОНГОЛ ДАЙЧДЫН ХӨШӨӨГ ӨӨРИЙН ХӨРӨНГӨӨР СЭРГЭЭН ЗАСВАРЛАЖ ХҮЛЭЭЛГЭН ӨГЛӨӨ

2019-08-23 11:41


Халхын голын ялалтын 80 жилийн ойг тохиолдуулан Халхын голын дайны хөшөө дурсгалуудыг сэргээн засварлах ажлын орон нутгийн төсвийн хөрөнгөөр хийж хэрэгжүүлж байна. Тус ажлын хүрээнд Чойбалсан хотод 4 хөшөө, Халхгол суманд 6 хөшөө дурсгалыг сэргээн засварлаж байгаа бөгөөд өнөөдөр Монгол дайчдын хөшөөний засварын ажил дуусч хүлээлгэн өглөө. Тус хөшөөг аймгийн ИТХ-ын төлөөлөгч, тэргүүлэгч Хан шувалдай ХХК-ны захирал П.Гэрэлбаатар өөрийн хөрөнгөөр сэргээн засварласан юм. Аймгийн Засаг даргын орлогч, Ойг тэмдэглэн өнгөрүүлэх ажлын хэсгийн дарга Ш.Ёл сарын орчмын хугацаанд хөшөөг сэргээн засварласан аймгийн ИТХ-ын төлөөлөгч, тэргүүлэгч Хан шувалдай ХХК-ны захирал П.Гэрэлбаатарт талархал гардууллаа. МОНГОЛ ДАЙЧДЫН ХӨШӨӨ-г БНМАУ-ын шагналт архитекторч Д.Чойжилжав, Г.Цэрэндорж, уран барималч Л.Бэхбат, зураач Д.Бат-Эрдэнэ нарын бүрэлдэхүүнтэй зохиогчдын бүтээсэн зураг төслөөр Барилгын цэргийн 030-р ангийн хамт олон Халхын голын түүхэн ялалтын 50 жилийн ойг тохиолдуулан 1989 оны 7 дугаар сард сүндэрлүүлэн босгож байсан бөгөөд ИТХ-ын төлөөлөгч, тэргүүлэгч П.Гэрэлбаатарын аав Пүрэвгэрэл хөшөөг босгоход гар бие оролцож байсан бөгөөд барилгын цэргийн 030-р ангийн 3 дугаар ротын захирагчийн албыг хашиж байжээ.



Сэтгэгдэлүүд
АНХААРУУЛГА:Уншигчдын бичсэн сэтгэгдэлд манай сайт хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Утас: 88143066, 96556965

Нэр:  
Сэтгэгдэл:  
 
Шинэ мэдээ
Их уншигдсан
Facebook page
 
 
Урлаг Спорт
Хөдөлмөр, халамжийн үйлчилгээний газар