Чойбалсан, Дорнод
БоловсролЭрүүл мэндЭкологиИргэдСумдХууль эрх зүйХэрэгцээтОюутны мэдээБүтээн байгуулалтХөрш аймгууд
 
 

Газрын тос, уул уурхайн чиглэлээр гадаадын их дээд сургуульд тэтгэлэгтэй суралцуулах уралдаант шалгаруулалтанд оролцогчдыг сонгон шалгаруулах зар

2019-07-08 09:49

Гурван_талт_хэлэлцээрт заасны дагуу энэ оноос эхлэн Тосон-Уул-19 болон Тамсаг-21 талбайгаас АМГТГ дахь сургалтын санд жил бүр төвлөрүүлж буй 150,0 мянган ам.долларын хөрөнгийн 50 хувиас доошгүйг нь буюу 75,0 мянган ам.долларын хөрөнгөөр Дорнод аймгийн оюутан, залуусыг сургахаар тогтсон.

Сонгон шалгаруулалтыг Уул уурхай, хүнд үйлдвэрийн яаман дээр зохион байгуулна.

* Бүртгэл: 2019 оны 7 дугаар сарын 18, 19-ны өдрүүдэд 10.00-17.00 цагийн хооронд
* Шалгаруулалт: 2019 оны 7 дугаар сарын 22-ны өдрийн 10.00 цагт эхэлнэ.

Газрын тос, геологи, уул уурхай, хүнд үйлдвэрлэлийн чиглэлээр гадаад, дотоодын их дээд сургуульд суралцах хүсэлтэй иргэдийг уралдаант шалгаруулалтанд оролцохыг урьж байна.

Уул уурхай, хүнд үйлдвэрийн яам, Боловсрол, соёл, шинжлэх ухаан, спортын яам, Ашигт малтмал, газрын тосны газар хамтран уралдаант шалгаруулалтыг зохион байгуулж, гадаадын их дээд сургуульд бакалавр, магистр, дотоодын их дээд сургуульд бакалаврын зэргийн оюутнуудад сургалтын тэтгэлэг олгоно.

Сонгон шалгаруулалтыг Засгийн Газрын 2013 оны 291 дүгээр тогтоолоор баталсан “Монгол Улсын засгийн газраас гэрээлэгч компаниудтай байгуулсан “Бүтээгдэхүүн хуваах гэрээ”-ний дагуу компаниудаас олгодог сургалтын урамшууллын  хөрөнгөөр суралцах иргэдийг сонгон шалгаруулах, хөрөнгийг зарцуулах журам”-ын дагуу зохион байгуулна.

Сонгон шалгаруулалтыг Уул уурхай, хүнд үйлдвэрийн яаман дээр зохион байгуулна.

  • Бүртгэл: 2019 оны  7 дугаар сарын 18, 19-ны өдрүүдэд 10.00-17.00 цагийн хооронд
  •  Шалгаруулалт: 2019  оны 7 дугаар сарын 22-ны өдрийн 10.00 цагт эхэлнэ.

2019 оны хичээлийн жилийн сургалтын тэтгэлэгт хамрагдах сонирхолтой дотоодын их дээд сургуульд суралцагчид бүртгүүлэхээр ирэхдээ доорх бичиг баримтыг бүрдүүлж ирнэ:

  • Газрын тос, геологи, уул уурхай, хүнд үйлдвэрлэлийн чиглэлийн мэргэжлээр их, дээд сургуульд суралцаж байгааг болон голч дүнг гэрчлэх сургуулийн тодорхойлолт /голч дүн 3.0-с дээш байх/,
  • Боловсролын гэрчилгээний хуулбарууд  /Эх хувийг хуулбарын хамт/
  • Иргэний үнэмлэх /Эх хувийг хуулбарын хамт/
  • Сонгон шалгаруулалтанд орох хүсэлт /өргөдөл/
  • Оюутны үнэмлэх  эсвэл батламж /Эх хувийг хуулбарын хамт/
  • Нэг хувь цээж зураг

Гадаадад бакалавр, магистрт суралцах сонгон шалгаруулалтад оролцох иргэд дээрх бичиг баримтууд дээр нэмж:

  • Газрын тосны салбарын болон суралцах чиглэл, мэргэжлийнхээ талаар англи хэл дээр өөрийн бичсэн 1500-2000 үгтэй эссэ

Гадаадад магистрт суралцах иргэд дээрхи баримт бичгүүд дээр нэмж:

  • Бакалаврын диплом / Газрын тос, геологи, уул уурхай, хүнд үйлдвэрлэлийн чиглэлийн мэргэжил эзэмшсэн/
  • Суралцахаар сонгосон улсынхаа сургалтын стандартыг хангах хэмжээнд гадаад хэлийг эзэмшсэнийг нотлох баримт бичиг
  • Нийгмийн даатгалын дэвтэр /сүүлийн 2 жил баталгаажсан байх/
  • Ажиллаж байгаа байгууллагын тодорхойлолт
  • Оршин суугаа газрын баг, хорооны засаг даргын тодорхойлолт

Харилцах утас:  263963 /АМГТГ/

Дэлгэрэнгүй мэдээлэл авахыг хүсвэл:  Legalinfo.mn, Засгийн газрын 2013 оны 291 дүгээр тогтоолын хавсралт журамтай танилцана уу.

УУЛ УУРХАЙ, ХҮНД ҮЙЛДВЭРИЙН ЯАМ

БОЛОВСРОЛ, СОЁЛ, ШИНЖЛЭХ УХААН, СПОРТЫН ЯАМ

АШИГТ МАЛТМАЛ, ГАЗРЫН ТОСНЫ ГАЗАР

Та бүхэн дараахь хаягаар дэлгэрэнгүй мэдээллийг авна уу.https://mrpam.gov.mn/news/1716/?fbclid=IwAR3xrguAu_3y0tRQNbT2WxEP5ZY3wcmMcW_gjlLvhqyjMPQDcO1G9APgdFA



Сэтгэгдэлүүд
АНХААРУУЛГА:Уншигчдын бичсэн сэтгэгдэлд манай сайт хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Утас: 88143066, 96556965

Нэр:  
Сэтгэгдэл:  
 
Шинэ мэдээ
Их уншигдсан
Facebook page
 
 
Урлаг Спорт
Хөдөлмөр, халамжийн үйлчилгээний газар