Чойбалсан, Дорнод
 
 

Дорнод аймагт ажилгүйдлын түвшин 5,7 хувиар буурч, ажиллах хүчний оролцооны түвшин нэмэгдсэн байна

2019-02-22 09:36

Хөдөлмөр, халамжийн үйлчилгээний газар 2017 онд 1475 иргэнийг ажилд зуучилсан бол 2018 онд 1561 иргэнийг ажилд зуучилж,  ажилд орсон иргэдийн тоо өссөн байна. Ажлын байр, хөдөлмөр эрхлэлт нэмэгдсэнээр Дорнод аймгийн ажилгүйдлийн түвшин 2018 онд 7 хувь хүрч өмнөх оны мөн үеэс 5,7 хувиар буурч, хөдөлмөр эрхлэлтийн түвшин 49,8 хувьд хүрч, өмнөх оны мөн үеэс 44,3 хувиар өссөн үзүүлэлттэй байна.

         Хөдөлмөрийн зах зээлийн эрэлтийн судалгаа нь орон нутгийн хөдөлмөрийн зах зээлийн эрэлт, нийлүүлэлтйин үзүүлэлтүүдийг тодорхойлох арга зүйг боловсруулах, туршилтын судалгааг сонгогдсон аймагт хийж эрэлт, нийлүүлэлтийн хэмжээг тооцох, дүгнэлт, зөвлөмж боловсруулан боловсрол болон хөдөлмөрийн салбарын бодлого боловсруулагчдад, түүнчлэн аж ахуй нэгж, байгууллага, иргэдийн мэдээллийн хэрэгцээнд нийлүүлэх зорилготой Хөдөлмөр нийгмийн хамгааллын яамны дэргэдэх хөдөлмөр, нийгмийн хамгааллын судалгааны институтийн судалгааны баг гүйцэтгээд байна. 2018 оны 09 дүгээр сарын 12-ны байдлаар ААНБ болон өрхүүдээс авах мэдээлэл цуглуулалт 100 хувь дуусч 220 аж ахуй нэгж 200 өрхөөс судалгаа аваад байна.

Дорнод аймагт “Монгол улсад ажлын байрыг нэмэгдүүлэхэд дэмжлэг үзүүлэх” /SECIM/- төслийн хүрээнд тус газрын мэргэжилтнүүд болон 13 сумын хөдөлмөр, халамжийн асуудал хариуцсан мэргэжилтнүүдэд “Ажил мэргэжлийн чиг баримжаа олгох үйлчилгээ”, "Ажилд зуучлах үйлчилгээ”, "Мэргэжлийн харилцаа"-ны  мэргэшсэн зөвлөхийн сургалтуудыг зохион байгуулсан.

         Мөн ажил мэргэжлийн чиг баримжаа олгох үйлчилгээний чанар хүртээмжийг сайжруулах, иргэдийг хүлээн авах таатай орчин нөхцөл бүрдүүлэх зорилгоор ганцаарчилсан зөвлөгөө, мэдээллийн өрөөг тус төслийн санхүүжилтээр 2018 оны 10-р сараас тохижуулж 214 иргэнд зөвлөгөө, мэдээлэл хүргээд байна. 

Хөдөлмөр эрхлэлтийг дэмжих төслийн хүрээнд Байнгын ажлын байраар 377 иргэн хамрагдаж 760,300,0 мянган төгрөг зарцуулсан. Өмнөх оны мөн үетэй харьцуулахад 15,7 хувиар өссөн үзүүлэлттэй байна. 

Түр ажлын байранд 658 иргэнийг хамруулж 105,000,0 мянган төгрөг зарцуулсан. Өмнөх оны мөн үетэй харьцуулахад 17,3 хувиар буурсан үзүүлэлттэй байна. Шалтгаан нь  тус оны санхүүжилт буурсантай холбоотой.

Улиралын ажлын байранд  110 иргэнийг хамруулж 64,800,0 мянган төгрөгийг зарцуулсан.  Өмнөх оны мөн үетэй харьцуулахад 22,7 өссөн үзүүлттэй. Шалтгаан нь туршилтын төсөл хэрэгжсэнтэй холбоотой.

Мөн Хөдөлмөр эрхлэлтийг дэмжих сангаас олгож буй жижиг зээлийн үйлчилгээг Хаан, Төрийн банкиар дамжуулан 20 аж ахуйн нэгж, 52 иргэн нийт 72 төсөлд 802.500.000 төгрөгийг  зарцуулж, 135 шинэ ажлын байрыг болгож хөдөлмөрийн зах зээлийн мэдээллийн санд бүртгэж мэдээллээд байна.



Сэтгэгдэлүүд
АНХААРУУЛГА:Уншигчдын бичсэн сэтгэгдэлд манай сайт хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Утас: 88143066, 96556965

Нэр:  
Сэтгэгдэл:  
 
Шинэ мэдээ
Их уншигдсан
Facebook page
 
 
Урлаг Спорт
Хөдөлмөр, халамжийн үйлчилгээний газар